L-immaniġġjar tal-liġi u l-konformità legali llum il-ġurnata huma aktar minn sempliċi frażijiet li jaqbdu l-għajn li ma jfissru xejn. F'ħafna kumpaniji huma parti integrali tan-negozju ta' kuljum. rms4biz tikkombina sett ta' teknoloġiji moderni marbuta mad-Dejta tal-Gvern Miftuħa, u mfassla biex jgħinu lill-kumpaniji jżommu u jaġġornaw is-sistemi ta' mmaniġġjar tal-konformità legali tagħhom. Din is-soluzzjoni tista' tiġi offruta permezz tal-kombinazzjoni tal-leġiżlazzjoni b'aċċess miftuħ disponibbli, bażi ta’ dejta strutturata b'mod loġiku, u funzjonijiet oħrajn b'vijabbiltà fuq żmien twil.
Bħalissa, flimkien mal-leġiżlazzjoni mis-sistema EUR-Lex tal-Unjoni Ewropea, rms4biz tieħu wkoll mil-leġiżlazzjoni Federali Awstrijaka u mil-leġiżlazzjoni Länder mis-sistema ta' informazzjoni legali tal-Kanċellerija Federali Awstrijaka (https://www.ris.bka.gv.at/).
Aktar milli tagħti l-aċċess għal leġiżlazzjoni aġġornata, rms4biz iżżid il-valur billi tippermetti li l-kompiti jiġu definiti b'mod ħieles biex it-tiftixiet jingħataw direzzjoni lejn il-qasam ta' negozju rilevanti għall-klijent. Barra minn hekk, toffri lill-utent modulu effiċjenti għall-immaniġġjar tal-monitoraġġ u tad-dokumentazzjoni tal-implimentazzjoni tal-kompiti, kif ukoll sett lest ta' mudelli għar-rappurtar għall-evalwazzjoni u l-analiżi tas-sistema.
L-applikazzjoni hi disponibbli bil-Ġermaniż biss.